sru:version: 1.2; sru:query: fcs.rf="mecmua.1_181"; fcs:x-context: mecmua; fcs:x-dataview: title,full; sru:startRecord: 1; sru:maximumRecords: 10; sru:query: fcs.rf="mecmua.1_181"; sru:baseUrl: ; fcs:returnedRecords: 1; fcs:duration: PT0.03S PT0.042S; fcs:transformedQuery: /descendant-or-self::fcs:resourceFragment[ft:query(@resourcefragment-pid,<query><phrase>mecmua.1_181</phrase></query>)];

301 Her mefāṣılları ṭoyur yaġa
Üc gün üc dün yata [?] batur yaġa

302 Yaġı üc günde ikişer gez sür
Yaturub derlet anı daḫı buyur

303 Dört gün olduqda ṣu köpükle ṣabun
Yuyalar anı pāk ėdüb ol gün

304 Ṣuñ ṣovuqdan ṣovuq ġıdālardan
Ṣaqlasun gendüyi hevālardan

305 Budur ol dühni‑kim beyān ėtdüm
Cümle eczāsını ʿiyān ėtdüm

306 Ḥāżır ol ṣoñra kim yañılmayasun
Bilmez işin dėyü añılmayasun

307 Maṣṭakī günlük‑ile zincifre
Zeyt [ü] gül ṣuyı dühn‑i verd‑i tere

308 Heb onar dirhem eyle bunları sen
Zībeq on beş ve bir direm sülümen

309 Ṣaru keçi yaġını seksen ėde
Cümlesin dögüben ki merhem ėde

310 Ṣoñra altı bölük ėdüb başla
Lāzım olursa yaġ bunı işle

311 Niçe gez bunı imtiḥān ėtdüm
Hĭc ḫaṭāsını görmedüm gendüm

312 Tecrübedür delīl ṣıdq u ṣafā
Var ʿamel eyle ėtme şübhe şehā

devā‑yi dīger

313 Şol gedā kim faqīr ola miskīn
Ol marażdan hemīn ola ġam‑ġīn

314 Jīve vü zeyt ü bal mumı yedişer
Bir direm sülümen olursa yėter

315 Cümle bir yaġ olur bir ādem‑çün
Ol firenk rencine sürüñ em‑çün

devā‑yi ḫalqūm [!]

316 Dütsüden yaġdan şişer ise dişi
Aña çāre budur ėt aña kişi

317 Şabb‑ile [!] ṭuz birer cevüz miqdār
Buları saḥq ėde mis̱l‑i ġubār

318 Sirke qoy bir piyāle deñlü aña
Mażmaża ġarġara ėdüben aña

319 Günde üç dört kere bunı eyle
Yara ve şişi qalmaya şöyle

devā‑yi dīger ākile

320 Ākile zaḥmeti olur düşvār
Aña tīz‑āb[ı] sür gide ey yār

321 Ger bulunmaz‑ise ̮ol dem‑i tīz‑āb
Ṣaru zernīḫi ek bu şāfĭ cevāb